Budak-budak

oleh

Novinda Frandiani Manangkot

Mo bli beras,beras so nae

Mo bli ikang,ikang so nae

Mo bli rica,deng rica so nae

Mo bli tomat,sama ley so nae

            

 Mo pigi kampus,doi oto so nae

            

 Mo bli pulsa,pulsa ley so nae

            

 Samua-samua so nae

Tunggu-tunggu beasiswa nda cair-cair

Banya buku mo fotokopi

Banya buku mo bli

Banyak tugas mo beking

Mar samua nyanda ada doi

             

Dorang bilang hari senin

             

So sampe hari senin ka tiga nda jo ada

            

 Dengar lagi belum ada SK baru

            

 Tu budak-budak kasinag so kalaparan

             

Mar tu tuan-tuan rupa jot u pongo

Sabang hari ba tunggu trus

Sampe rambu so jadi kribo

So lalah tu kaki ja ba diri

Tu tangan  kurang suka mo ba lolo

            

 Tiap detik bale-bale cek tu pemberitahuan

             

Buka grup baca komen

             

Ba harap mo baca barita bagus

             

Tarnyata Cuma ada tong kosong

Siang so ganti malam

Matahari so ganti bulan deng bintang

Panas so ganti dingin

Baju kaos so ganti mantel

Mar tetap qta masih menunggu

So ba Hoba

oleh

Novinda Frandiani Manangkot

Sore itu qta malaju deng sapeda motor revo merah

Qta dudu ba gonceng di balakang

Dapa lia tu pemandangan sore oe gaga

Kage-kage di jalang baku dapa deng bulan deng bintang

Dorang dua dapa lia pe akrab

Dorang dua dapa lia pe gaga

Apa yang dorang ja ba cirita?

Apa dorang ba cirita tentang qta?

Qapa dorang baku bise?

Apa tu dorang da se sambunyi ?

Nda brenti qta haga-haga trus pa dorang dua

Pe serius dok ee dorang

Qta suka ja lia pa dorang

Qapa ni revo so brenti?

So sampe kote

Qta turung,Qta haga ka atas dorang dua so kedatangan banya tamang

Tu bintang-bintang laeng so ba hoba

Tarnyata so malam ren

Aku Sombong

oleh

Novinda Frandiani Manangkot

Aku benci diriku yang sombong

Aku tak punya apa-apa

Tapi hari ini aku sombong

Mereka menatapku dengan tatapan aneh

Aku malu aku sombong

Mungkin di dalam hati mereka sang malaikat merah berkata,” Ihh dia itu orang paling 

making puji yang pernah qta kenal. Besae ley,kurus,kong ba gaya pake orang pe barang.”

Atau mungkin ada sang malaikat putih di sana yang akan membelaku

Tapi sekali lagi aku benci diriku yang sombong

Aku benci diriku yang tak bisa memahami situasi

Aku benci diriku hari ini

Aku malu kepada bintang mala mini yang sedang menatapku dan pada bulan yang 

menertawakan kegelisahan hatiku malam ini